«Қазгидромет» РМК 23 қаңтарда ауа райының бұзылуына байланысты бірнеше өңірде ескерту жариялады.

Күндіз Ақмола облысының солтүстігі мен шығысында бұрқасын күтіледі. Батыстан, солтүстік-батыстан жел соғады, облыстың шығысында екпіні 15-20 м/с құрайды.

Солтүстік Қазақстан облысының оңтүстік-шығысында бұрқасын болады. Батыстан, солтүстік-батыстан жел соғады, өңірдің оңтүстік-шығысында күші 15-20 м/с құрайды.

Түркістан облысының оңтүстігінде тұман болжанады. Шығыстан жел соғады, облыстың солтүстігінде, таулы аудандарында 15-20 м/с жылдамдықта жел соғады. Түнде және таңертең тау асуларында екпіні 23-28 м/с артады.

Павлодар облысының солтүстігінде, батысында бұрқасын күтіледі. Батыстан жел соғады, облыстың солтүстігі мен батысында екпіні 15-20 м/с құрайды.

Жамбыл облысының оңтүстік-батысында, солтүстік-шығысы мен таулы аудандарында солтүстік-шығыстан жел соғады, күші 15-20 м/с құрайды. Түнде 23 қаңтарда екпіні 23-28 м/с артады.