Алматыда өзін Антикордың қызметкері ретінде таныстырған ер адам облыстық кәспорын басшысынан қомақты қаржы алған, деп хабарлады Halyq Uni тілшісі.

Сыбайлас жемқорлыққа қарсы қызмет агенттігі өкілдерінің мәліметінше, 19 қаңтарда ведомство 1983 жылы туған Қоржыбаев Қанат (бұрынғы тегі Құралұлы) есімді азаматты әшкереледі. Ол өзін Антикордың қызметкері ретінде таныстырып, жалпы қамқорлық көрсеткені үшін Алматы облысы кәсіпорындарының бірінің басшысына тиесілі 1 млн теңге сомасында ақшалай қаражатты алаяқтық жолмен иемденді.

Жеке тінту барысында 2014 жылы таратылған қаржы полициясының қызметкерінің жеке куәлігі тәркіленді.

Қолда бар мәліметтерге сәйкес, Қоржыбаев бұрын да осындай қылмыстар жасаған болуы мүмкін.

Тергеу мүддесіне орай өзге ақпарат жария етуге жатпайды.