Қазақ қызы Украинада оқ өткізбейтін кеудеше жасап жүр. Бұл туралы The Village сайты жазды, деп хабарлады Адырна.

27 жастағы Мәдина есімді қазақ қызы Украина мен Ресей арасындағы соғыс басталғанда Берлиндегі жұмысын тастап, Украинада еріктілерге, фельдшерлер мен журналистерге арналған сауыт-сайман шығаратын «Оқ өткізбейтін Украина» компаниясының негізін қалады.

Ол Қазақстанда КИМЭП-те оқыған. Бір жылдан кейін Австрияда тұрып, содан кейін Германияға көшкен. Германияда ол венчурлық сәулетші ретінде жұмыс істеген. Алайда өзін Украина қатты қызықтырған көрінеді.

2014 жылы Украинаның шығысында соғыс басталды. Осыған байланысты ата-анам ол жаққа баруға тыйым салды. Бірақ мені биліктің ауысу процесі, Майдан қатты қызықтырды. Өйткені посткеңестік елдің тарихында алғаш рет ресейшіл билік ауысып жатыр, халық оны өзгертуде. 2015 жылы мен Австрияда оқып жүргенімде сыныптастарым қысқы демалысқа Батыс Еуропаға кетті, менде Киевке барғым келеді деген тұрақты ой болды. Ата-анама Польшаға баратынымды айттым, бірақ  ъөзім Киевке Жаңа жылды қарсы алуға бардым. Сол сапардан керемет әсер алдым, 2021 жылға дейін Киевте үш рет болдым.

2021 жылға қарай мен бұл дүниеден маған не қажет екенін, айналамда қандай адамдарды көргім келетінін анық білдім. Мен Киевке қайтадан келдім және дәл осы жерде өзімді жақсы сезінетінімді түсіндім. Кәсіпкерлік сахна, олардың жұмысқа деген көзқарасы, шығармашылығы, технологиялық прогрессі, көрегендігі мені қатты шабыттандырды. Мында бірден жақын достар таптым», - деді Мәдина.

Ол Украинада соғыс басталғаннан бері еріктілікпен айналысу үшін жұмысын тастап, елден кетуге мәжбүр болғандарды баспана мен материалдық-техникалық қамтамасыз етуге көмектескен.

Күн сайын миллиондаған түрлі нәрселерді жасауға тура келді. Күннің соңында экранға көп қарағаным үшін көзім ауырды. Мен назар аударатын аймақты тапқым келді. Содан оқ өтпейтін жилет өндірісіне кірісуді жөн көрдім. Біріншіден, бұл сала гуманитарлық көмек жинаудан гөрі күрделірек және нақтырақ және бұл саламен айналысатын адамдар аз болды, ал сұраныс көп. Қажетті қорғаныс түрі бар кеудешелердің бағасы жоғары болды. Алайда бірден сатылып кетті. Оларды Украинаға жеткізу өте қиын. Барлығын ескеріп, Украинада өндіруді шештім, - деді ол.

Сондай-ақ Мәдина бұл өндірісті қолға алу үшін Рост есімді украиналық досымен байланысқан.

«Соғыс басталғаннан екі аптадан кейін біз бірнеше болат прототиптеріне тапсырыс беріп, оны сынауға кірістік. Сонымен бірге олар Instagram желісінде қаражат жинау науқанын бастап, бірінші партия үшін 6 мың еуро жинады. Рост операцияға, мен дизайн және қаржыға жауапты болдым. Бастапқыда олар кеудешелерді өзіндік құнына сатты. Нарық бағасынан 50% төмен бағада өте жоғары сапалы өнімді жасау деген тұжырымдама болды. Стандартты броньның құны орташа есеппен 750 еуроны құрайды. Біздің кеудешелердің өндірісі бір дана үшін 290 еуро тұрады. Сондықтан біз өндірісті ұзақ уақыт сақтай алдық: 400-ден аса оқ өткізбейтін жилет жасау үшін көп қаражат қажет болмады. 120 жилеттің бірінші партиясы бір аптада шығарылды, металл Азовстальдан алынды.

Болатты сатып алу, жөнелту, кесу, шыңдау, ұнтақтау және қаптау процесі бір аптаға созылады. Біздің оқ өткізбейтін кеудешелеріміз украиндық стандарт бойынша DSTU төртінші қорғаныс класының сертификатын алды. Жазда бұл әлдеқайда қиын болғандықтан біз тегін таратуға көштік. Өйткені көптеген сертификатсыз өндіруші пайда бола бастады,- деді Мәдина.

Оған бұл істі бастап кетуде біраз қиындықтар туған. Қаражат жинаудың өзі ауыр тиген. Тіпті, бастапқыда отбасы Мәдинаны қолдамаған. Алайда алғаш неміс газетіне ол туралы мақала жарияланғаннан кейін оң көзқараста болған. Ал достары үнемі қолдап, қаржылай да көмектескен.

Сондай-ақ Мәдина Украинадағы жарылысты көріп, қиындықтарды бастан өткізген. Тіпті, достары орнатқан бомбаға қарсы панада тұрған.

Қазір Екінші дүниежүзілік соғыс кезіндегі уақыт емес: бүгін сіз майданда SMS жаза аласыз, ол сізге екі секундта жетеді. Кеше кешке досым оқ өтпейтін жилет керек деп смс жазды, мен бүгін таңертең жібердім. Бұл – керемет. Бірақ ол 4D соғысын жасайды, мұнда сіз оны көріп қана қоймай, сонымен қатар оны сезе аласыз.

Майдан шебінен бөлек, халқы жұмысын жалғастырып жатқан тұтас аймақ та бар. Адам өмірдің кез келген жағдайына, тіпті бомба баспанасында да, атқылау қаупінде де үйренеді. Әскерге көмек беру үшін өмір сүру керек. Барлығы жұмыссыз отыра қалса, дірілдеп жатса, шетелдіктерден басқа ешкім ақша бере алмайды. Әрбір украиндық қазір ЗМУ-ға қайырымдылық жасауды немесе ерікті болуды өзінің моральдық міндеті деп санайды», - деді қазақ қызы.

The Village сайтының мәліметінше, Мәдина алдағы уақытта «Reukraine» жобасымен жұмыс істеп, үйінен айырылғандар үшін баспана салғысы келеді. Ол қазір 989 мың доллар жиналыға тиіс қаражат жинау жобасына көмектесіп жүр. Соғыс аяқталғаннан кейін ол Украинада бірнеше ай болып, экономиканы немесе архитектураны қалпына келтіруге атсалысқысы келеді екен.

«Соғыс аяқталып, Украина жеңеді деп сенемін. Барлық жаулап алған аумақтар Украинаға қайтарылса, бұл толық жеңіс болады», - деді Мәдина.