×

Полицейлер қылмыскерлер мен деструктивті діни ағым өкілдеріне қару-жарақ сатқан (ВИДЕО)

Құқық қорғау органдарының бірқатар басшылары теріс негіз бойынша жұмыстан шығарылды

 Динара Амантай 16.01.2023 | 10:16
Фото: ҰҚК баспасөз қызметі

Қару-жарақты екінші рет айналымға енгізумен шұғылданған құқық қорғау органдарының қызметкерлері мен бұрынғы қызметкерлері және олардың көмекшілеріне қатысты сот процессі аяқталды, деп хабарлады Halyq Uni тілшісі.

Ұлттық қауіпсіздік комитеті өкілдерінің мәліметінше, тіркеуден шығарылған оқ-дәрімен атылатын қару және оқ-дәрі қылмыстық схема бойынша жойылды деген жалған есеп арқылы кейін сатылуға шығарылып отырған.

ҰҚК ІІМ Өзіндік қауіпсіздік департаментімен бірге екі кезеңнен тұратын операция барысында Алматы қаласы және Алматы, Павлодар, Солтүстік Қазақстан мен Қарағанды облыстарында қаруды қайта айналымға шығару арнасының жолын кесті.

Құрықтау және тінту барысында 347 қару, 13 граната және 7 387 оқ-дәрі алынды.

Полицияның бұрынғы қызметкері ұйымдастырған қаруды модификациялау цехының көзі жойылды.

Жедел зерделеуді жалғастыру арқылы Ұлттық қауіпсіздік комитеті қылмыс әлеміне, деструктивті діни ағымдарға қатысты және бұрынғы полицейлерден тұратын қаруды сатып алушылардың толық базасын анықтады.

Алматы қаласы Алмалы аудандық сотының шешімімен кінәлі адамдар 2-ден 5 жылға дейінгі бас бостандығынан айыру мерзімдеріне сотталды.

Қызметтік міндеттеріне салғырт қарағандары және жеке құрамды бақылауды әлсіреткендері үшін құқық қорғау органдарының бірқатар басшылары теріс негіз бойынша жұмыстан шығарылды.

Серіктес жаңалықтары

Сараптама