×

Назарбаев отбасының байлығы заңмен қорғала ма – министр жауабы

Экс-президенттің абыройы заңмен қорғалады

 Дәурен Ерболат 13.01.2023 | 11:43
Нұрсұлтан Назарбаев, фото: depositphotos.com/@palinchak

Әділет министрі Азамат Есқараев экс-президент Нұрсұлтан Назарбаев отбасының байлығы заңмен қалай қорғалатынын түсіндірді, деп хабарлады Halyq Uni тілшісі.

«Экс-президент үшін барлық кепілдік сақталады. Алайда бұл отбасы мүшелеріне қатысты емес. Кепілдік тек оған (экс-президент) қатысты болады. Күшін жоятын заңда оның отбасы мүшелеріне арналған шоттарға тиісті кепілдік қарастырылған», - министр Парламент палаталарының бірлеске отырысынан соң.

Азамат Есқараев экс-президенттің туыстары заң бұзса, қылмыстық жауапқа тартылатынын атап өтті.

Заңда мұндай кепілдіктер қарастырылмаған. Президент туралы конституциялық заңға сәйкес экс-президенттің отбасы үшін мұндай кепілдік жоқ, - деді министр.

Сондай-ақ БАҚ өкілдері «Нұрсұлтан Назарбаев пен оның отбасының байлығына қатысты қандайда бір шешім қабылдана ма? Мысалы, Елбасы қоры, мүлкі, шетелдегі байлығы қатысты?» деп сұрақ қойды.

«Заңда мұндай кепілдік жоқ. Президент туралы конституциялық заңда экс-президент үшін мұндай кепілдік қарастырылмаған», - деді Азамат Есқараев.

Қазақстан Конституциясының 46-бабына сәйкес, экс-президенттің абыройы мен қадір-қасиетіне тиісуге болмайды.

Сондай-ақ бұрынғы мемлекет басшысы мен оның отбасын қамтамасыз ету, оларға қызмет көрсету, қорғау мемлекет есебінен жүзеге асырылады.

Айта кетейік, бүгін Тұңғыш президент туралы заңның күшін жоюға шешім қабылданды.

Серіктес жаңалықтары

Сараптама