Абзал Сапарбекұлы Қазақстанның Түркиядағы төтенше және өкілетті елшісі лауазымынан, Қазақстанның Албаниядағы төтенше және өкілетті елшісі қызметін қоса атқарудан босатылды.

Одан бөлек, Қазақстанның Канададағы төтенше және өкілетті елшісі Ақылбек Камалдинов Қазақстанның Кубадағы төтенше және өкілетті елшісі қызметін қоса атқарудан босатылды.

Қазақстанның Кубадағы төтенше және өкілетті елшісі қызметіне Андриан Елемесов тағайындалды.

Қазақстанның Түркиядағы төтенше және өкілетті елшісі болып Еркебұлан Сәпиев тағайындалды. Ол Қазақстанның Түрікменстандағы төтенше және өкілетті елшісі лауазымынан босатылды.

Қазақстанның Түрікменстандағы төтенше және өкілетті елшісі лауазымына Асқар Тәжібаев тағайындалды, ол Қазақстанның Тәжікстандағы төтенше және өкілетті елшісі лауазымынан босатылды.

Ал, Қазақстанның Тәжікстандағы төтенше және өкілетті елшісі лауазымына Уәлихан Төреханов тағайындалды.