Түрікменстанның сайлау және референдум өткізу жөніндегі орталық комиссиясы 12 наурызда өткен Түрікменстандағы президент сайлауының қорытындысын жариялады.

Тіркелген 3 460 080 сайлаушының 3 362 052-сі дауыс беріп, таңдауын жасады. Бұл сайлаушылардың 97,17 пайызы өз таңдауын жасады дегенді білдіреді.

Президент сайлауына 9 кандидат бақы сынады. Сайлау нәтижесі бойынша:

• Сердар Гурбангулыевич Бердымухамедов 72,97%;
• Хыдыр Какабаевич Нуннаев 11,09%;
• Агаджан Бекмырадов 7,22%;
• Бердимаммет Ханмамедович Курбанов 2,22%;
• Перхат Гуванчгулыевич Бегенджов 2,02% жинады;
• Максатмурад Аширгельдыевич Овезгельдыев 1,16%;
• Максат Мырадович Одешов 1,15%;
• Мередов Бабамурат Тиркешович 1,08%;
• Какагельды Атаджанович Сарыев 1,09% дауыс жинады.

72,97% дауыс жинаған Түрікменстан министрлер кабинеті төрағасының орынбасары Сердар Гурбангулыевич Бердімұхамедов Түрікменстан президенті болып сайланды.