Астанада республикалық автожолда қозғалыс шектелді
«Астана қаласы – Атбасар қаласы» учаскесі көліктің барлық түрлері үшін жабылды
Фото: egemen.kz
Күн райының бұзылуына байланысты Астана қаласының аумағымен өтетін республикалық маңызы бар трассада қозғалыс тоқтатылды, деп хабарлайды ҚазАқпарат.
«3 қаңтар сағат 08.00-ден бастап ауа райының нашарлауынан (желдің күшеюі, боран, жолдың дұрыс көрінбеуі) республикалық маңызы бар «Екатеринбург - Алматы» автожолының (1003 – 1247 км аралығы) «Астана қаласы – Атбасар қаласы» учаскесі көліктің барлық түрлері үшін жабылды», - делінген 109 IKomek қызметінің хабарламасында.
Айта кетейік, бұған дейін еліміздің 4 өңірінде жол жабылғанын хабарлаған болатынбыз.
