Қытайда 200 көлік бір-бірімен соқтығысып қалды
Cоның кесірінен бір адам қаза тапты
фото: ria.ru
Қытайдың Хэнань провинциясындағы Чжэнчжоу қаласында 200 көлік бір-бірімен соқтығысып қалды.
Қытай орталық телеарнасының хабарлауынша, оқиға көліктер өтетін көпірде болған. Апатқа қатты тұман себеп болған көрінеді.
Көліктердің көпшілігі бір-бірінің үстінен аударылып, соның кесірінен бір адам қаза тапқан.
Қазір жол-көлік оқиғасының салдарын жоюға 11 өрт сөндіру техникасы мен 66 құтқарушы жұмылдырылған.
