Саяси кеңестің қаулысымен Amanat партиясы саяси кеңесі бюросының жаңа мүшелері сайланды.

Бюроның құрамына ҚР премьер-министрі Әлихан Смайылов, ҚР президенті әкімшілігінің басшысы Мұрат Нұртілеу, Amanat партиясының атқарушы хатшысы Асхат Оралов, халықаралық «Қазақ тілі» қоғамының вице-президенті Максим Рожин енді.

Осылайша, «AMANAT» партиясы саяси кеңесі бюросының құрамына кіретін мүшелер саны 9-дан 13-ке артты.

Еске салайық, 1 наурызда Мемлекет басшысы Қасым-Жомарт Тоқаевтың төрағалығымен Nur Otan партиясының кезектен тыс съезінде саяси кеңес құрамынан бұрынғы Мәжіліс спикері Нұрлан Нығматулин мен Павлодар мұнай-химия зауытының бас директоры Оспанбек Әлсейітов шығарылды.

Сондай-ақ партия съезінде саяси кеңес құрамына «Астана» медициналық университетінің ректоры Камалжан Надыровтың кіргені де хабарланды.