Коронавирустан 2 мыңнан аса қазақстандық емделіп жатыр
4 науқастың жағдайы ауыр
Фото: ТАСС
Елімізде 2 мыңнан аса адам COVID-19-дан емделіп жатыр, деп хабарлады Денсаулық сақтау министрлігі.
18 желтоқсанда 139 адамнан коронавирус табылды, ал 17 желтоқсанда 140 қазақстандық індетке шалдыққан.
Соңғы мәлімет бойынша 2 215 адам COVID-19-дан емделіп жатыр.
Оның ішінде 328 пациент – стационарда, 1 887 науқас – амбулаториялық деңгейде ем қабылдауда. 11 адамның жағдайы ауыр, 4 пациенттің жағдайы өте ауыр, бір науқас өкпені жасанды желдету аппаратына қосылған, - деп жазылған хабарламада.
