Шваб қарсыласын екінші раундта нокаутқа түсіріп, жекпе-жекті мерзімінен бұрын аяқтады
Қазақстандық боксшы Николай Шваб (9-0, 5 КО) Рок-Хилл бокс кешінде (АҚШ, Оңтүстік Каролина) өнер көрсетті, деп хабарлайды Sports.kz.
Ол америкалық Габриэль Смитпен (11-5-1, 4 КО) жекпе-жекке шықты. Шваб қарсыласын екінші раундта нокаутқа түсіріп, жекпе-жекті мерзімінен бұрын аяқтады.
Осылайша Николай Шваб кәсіпқой мансабындағы оныншы жеңісіне қол жеткізсе, Габриэль Смит алтыншы рет жеңіліп қалды.
Еске салайық, Шваб өзінің алдыңғы жекпе-жегінде венесуэлалық боксшы Хесус Куадроны (19-8, 15 КО) тоғызыншы раундта нокаутқа түсіріп, WBA екінші дәрежелі чемпиондық белбеу – WBA Fedecaribe иегері атанған болатын.