Африкалық ұжым финалға берілетін жолдама үшін Франция-Англия жеңімпазымен кездеспек
Футболдан Катарда өтіп жатқан Әлем чемпионатының жартылай финалына шыққан тағы бір ұжым анықталды. Ол - Марокко құрамасы, деп хабарлайды nur.kz.
Ширек финалда Марокко мен Португалия құрамалары кездесті. «Аль-Тумама» стадионында өткен матчта 1:0 есебімен африкалық команда жеңіске жетті. Ойындағы жалғыз голды 42-минутта Юссеф Эн-Несири соқты.
Осылайша, Марокко Әлем чемпионатының жартылай финалына жолдама алып отыр. Енді африкалық ұжым финалға берілетін жолдама үшін Франция-Англия жеңімпазымен кездеспек.
Айта кетейік, Катарда өтіп жатқан футболдан әлем чемпионаты 18 желтоқсанда аяқталады.