Риддер қалалық полиция бөлімінің басшысы да қызметінен босатылды
Шығыс Қазақстан облысында қарамағындағы қызметкерін зорлады деген күдікпен уақытша ұстау изоляторының (УҰИ) бастығы Руслан Аксартов жұмыстан босатылды, сол сияқты Риддер қалалық полиция бөлімінің басшысы қызметінен шығарылды. Бұл туралы ШҚО Полиция департаментінің басшысы Сағат Мәдиев мәлімдеді.
Құқық қорғау органдарының беделін түсіретін теріс қылық жасағаны үшін ол жұмыстан шығарылды, ал оның тікелей басшылары, тіпті қалалық полиция бөлімінің бастығын лауазымынан босату туралы шешім қабылданды, - деп хабарлады ШҚО полиция департаментінің бастығы Сағат Мәдиев.
Облыстық полиция басшысы күдіктінің УҰИ-ға қамалғанын айтты.
Бүгінде жеке құрам арасындағы заңдылық пен қызметтік тәртіп мәселелеріне Ішкі істер органдары басымдық береді. Біз өз қатарымыздан тәртіпсіз қызметкерлерді тазарту бойынша белсенді жұмыс жүргізіп жатырмыз. Біздің қағидатымыз бойынша кез келген заңбұзушылықтың жолы кесіледі, кінәлі адамдарға жұмыстан босатуға дейін ең қатаң тәртіптік шаралар қолданылады, - деді департамент басшысы.
Бұған дейін қазақстандық журналист Михаил Козачков Риддердің уақытша ұстау изоляторының бастығы, полиция қызметкерін Қылмыстық кодекстің 120-бабында қарастырылған қылмысты жасады деген күдікпен іздестіріп жатқанын хабарлады. 120-бап – бұл зорлау. Арызды оның қарамағында істейтін адам жазған, болжам бойынша қылмыс дәл сол уақытша ұстау изоляторында жасалған.