Астананың білім басқармасы барлық мектеп оқушылары және колледждердің 1-2 курс студенттері қашықтан оқитынын хабарлады
Астанада 6 желтоқсанда бірінші ауысымда оқитын барлық мектеп оқушылары және колледждердің 1-2 курс студенттері қашықтан оқиды.Бұл туралы қалалық білім басқармасы хабарлады.
«2022 жылдың 6 желтоқсан күні ауа райының қолайсыздығына байланысты бірінші ауысымның 0-11 (12) сынып оқушылары және колледждердің 1-2 курс студенттері қашықтан оқыту форматына ауыстырылады», - делінген хабарламада.
«Казгидрометтің» мәліметінше, түнде ауа температурасы 29-31 градус, күндіз 6 желтоқсанда 20-22 градус аяз болады.