Қазақстан төртқұрлық турнирінің жеңімпазы атанды
Надежда Морозова 1500 метр қашықтыққа жүгіруде мәреге бірінші болып келді
фото: olympic.kz
Канаданың Квебек қаласында конькимен жүгіру спортынан өткен төртқұрлық турнирінде Қазақстан командасы тағы 3 медальді жеңіп алды.
Надежда Морозова 1500 метр қашықтыққа жүгіруден мәреге бірінші болып келді. Екатерина Айдова бағдарламаның осы түрінде 2-орынды иеленді.
Дмитрий Морозов та 1500 метрге жүгіруде 2-орыннан көрінді.
Бұған дейін Виталий Щиголев алтын (5000 метр), ал Надежда Морозова күміс (3000 метр) медальды жеңіп алған еді.
