Нидерланд құрамасы Катардағы әлем чемпионатының ширек финалына жолдама алды.

1/8 финалдың алғашқы матчында Нидерланд пен АҚШ құрамалары кездесті. Еуропалық ұжым ойынның бірінші таймында екі гол соқты. 10-минутта Мемфис Депай көзге түсті. Ал командалар үзіліске кетер сәтте Дэйли Блинд есепті еселеді. Екі сәтте де Дензел Дюмфрис нәтижелі пас авторы атанды. 

Кездесудің 76-минутында Хаджи Райт есеп айырмасын қысқартты. Дегенмен, ойын нүктесін нидерландтықтар қойды. 81-минутта Дюмфристің өзі қанжығасын майлады. Есеп 3:1 болып аяқталды.

Осылайша, Нидерланд құрамасы әлем чемпионатының ширек финалына жолдама алды.

Нидерланды құрамасы 1974, 1978 және 2010 жылы футболдан әлем чемпионатының финалына шығып, үшеуінде де жеңілген.