Абай қаласында мектеп оқушысы аялдамада 15 минуттай суықта тұрып бетін үсітіп алған, деп хабарлайды Stan.kz. 

Оқиға туралы қыздың анасы әлеуметтік желіде айтып берді. Ол қалада мектеп автобустары берілмейтінін, балалардың қоғамдық көлікті күтуге мәжбүр екенін айтып шағымданды. Кейде жолаушылар ағынының көптігіне байланысты оқушылардың ол автобустарға да отыра алмайтынын айтып өтті.

Біз мектеп директорларымен таңғы 8-ден бері ұрысып, сабақты тоқтатуды сұрап жатырмыз. Сыртта қатты аяз бар. Бірақ сабақты тоқтатудан бас тартты. Басқа қалаларда, атап айтқанда Астанада бүгін мектептерде сабақтар тоқтатылып, сабақтар қашықтан оқыту форматына ауыстырылды. Бүгін елорда мен Абайдың ауа-райы бірдей болғанына қарамастан, - деп жазды оқушы қыздың анасы әлеуметтік желіде.

Абай аудандық білім бөлімі оқиғаны растады. Ведомстводағылар қазір 3-сынып оқушысының үйде отбасымен бірге екенін және өзін жақсы сезінетінін атап өтті.

Сағат 06:45-тегі жағдай бойынша Абай қаласында ауа температурасы орташа есеппен -21 градусты құрады, сабақтың тоқтатылуына себеп болған жоқ. Қыз үшінші сыныпта оқиды. Мектеп директоры оның анасымен кездесті, анасының айтуынша баланың жағдайы жақсы, - деп хабарлады аудандық білім бөлімі.

Сондай-ақ білім бөлімі бастауыш сынып оқушылары үшін сабақтарды тоқтату туралы шешімдер –25 градус және одан төмен температурада қабылданатынын атап өтті. Жел мен көктайғақ түріндегі ауа райы жағдайын ескере отырып, ата-аналар баласының мектепке бару-бармауын өз бетінше шеше алады. Бұл жағдайда мұндай шешім туралы сынып жетекшісіне хабарлау қажет.

ҚР Білім және ғылым министрінің бұйрығы негізінде балаларды жеткізу білім беру ұйымдарының мектепке дейінгі және мектеп жасындағы оқушылар мен студенттер тұрақты тұратын елді мекеннен үш шақырымнан астам қашықтықта болған жағдайда жүзеге асырылады. Қолданыстағы заңнама негізінде қала ішінен мектеп автобусын бөлу мүмкін емес, - деп атап өтті басқармада.