1-2 қаңтар демалыс болып белгіленген
Жаңа жыл мерекесіне орай аптасына 5 күн жұмыс істейтіндер де, 6 күн жұмыс істейтіндер де дүйсенбі мен бейсенбі күндері демалысқа шығады. Жаңа жыл мемлекеттік мәртебесі бар мейрам болып саналады. Соның құрметіне 1-2 қаңтар демалыс күндері болып белгіленген.
2023 жылдың күнтізбесінде бұл екі күн жексенбі мен дүйсенбіге дөп келеді.
Жексенбі онсыз да демалыс болғандықтан, қазақстандықтар жексенбіге түскен 1 қаңтардың есебінен бейсенбі күні де (3 қаңтар) демалыс алады.
Мұндай тәртіп жоғарыда аталған заңның 5-бабында жазылған. Яғни, аптасына 5 күн жұмыс істейтіндер де, 6 күн жұмыс істейтіндер де 3 қаңтар күні демалады.
Ал 31 желтоқсанда аптасына 5 күн жұмыс істейтіндер ғана демалыс алады. Өйткені бұл күн күнтізбеде сенбіге дөп келеді.
Ал 7 қаңтарда Рождество мейрамы бар. 2023 жылы бұл атаулы күн сенбіге сәйкес келеді.
Бірақ Рождествоның мемлекеттік мейрам мәртебесі болмағандықтан, сенбіге дөп келген 7 қаңтардың орнына аптаның басқа жұмыс күні демалыс болып өзгертілмейді.
Аптасына 6 күн жұмыс істейтіндер де 7 қаңтар күні демалады. Мұндай тәртіп Еңбек кодексінің 84-бабында жазылған.