Жетісу облысында республикалық маңызы бар жолдар жабылады, деп хабарлады Halyq Uni тілшісі.

Төтенше жағдайлар министрлігі баспасөз қызметінің мәліметінше, бүгін, 26 қарашада сағат 14-30-дан бастап ауа райының нашарлауына байланысты (боран, шектеулі көріну) «Үшарал-Достық» республикалық маңызы бар автожолында (9-184 шақырымдары, Көктұма - Достық), республикалық маңызы бар «Алматы-Өскемен» автожолы – «Көлбай ауылы - Абай облысының шекарасы» (485-615 км,), республикалық маңызы бар «Сарыөзек-Көктал» автожолында (45-68 км, Алтын Емел асуы) автокөліктің барлық түрі үшін қозғалыс жабылған.

Сондай-ақ Жетісу облысының ТЖД азаматтардан осы бағыттағы сапарлардан бас тартуды және 112 қызметі беретін СМС хабарламаларды назардан тыс қалдырмауды сұрайды.