Басты бет Жаңалықтар Тоқаевтың ант беру рәсімін тікелей эфирден көруге болады

Тоқаевтың ант беру рәсімін тікелей эфирден көруге болады

Халық үні

Президентті ұлықтау рәсімі 26 қарашада өтеді

2019 жыл, Тоқаевтың ант беру рәсімі

Қазақстанда 20 қарашада кезектен тыс президент сайлауы өтті. Сайлауда ең көп дауыс жинаған Қасым-Жомарт Тоқаев қайта президент болып сайланды.

26 қараша күні Қазақстан президенті Қасым-Жомарт Тоқаевты салтанатты ұлықтау рәсімінің трансляциясы республикалық телеарналардан, интернет-ресурстардан, сондай-ақ «Ақорданың» әлеуметтік желілердегі ресми аккаунттарынан тікелей эфирде көрсетіледі. Көрсетілім Астана уақыты бойынша сағат 10:50-де басталады.

ОСК төрағасы Нұрлан Әбдіровтің айтуынша, 2022 жылдың 20 қарашасында өткен сайлаудың қорытындысы төмендегідей:

  • Қарақат Әбден – 2,6% (206 206 адам дауыс берген);
  • Нұрлан Әуесбаев – 2,22% (176 116 адам);
  • Жигули Дайрабаев – 3,42% (271 641 адам);
  • Мейрам Қажыкен – 2,53% (200 907 адам);
  • Қасым-Жомарт Тоқаев – 81,31% (6 456 392 адам);
  • Салтанат Тұрсынбекова – 2,12% (168 731 адам);
  • Бәріне қарсымын – 5,8% (460 484 адам).

Айта кетейік, сайлауда 8 300 046 адам немесе сайлаушылардың 69,44%-ы дауыс беруге арналған бюллетендерді алды.