×

«Біз адам емеспіз бе?»: Атырауда аурухана қызметкерлері наразылыққа шықты

Жұмысымыз ауыр, науқастар таңға дейін түсіп жатады, дейді қызметкер 

 Халық үні 24.11.2022 | 19:20
фото: azh.kz

Атыраудағы «Нұрсая» ықшамауданындағы жұқпалы аурулар ауруханасының 40 шақты санитар қызметкерлері үш айдан бері өздеріне тиесілі төлемдерді ала алмай жүр. Осы себепті олар аурухана ғимаратының алдына митингіге шықты, деп хабарлайды АқЖайық басылымы. 

Орынжайларды тазалауға және науқастарға гигиеналық күтім жасауға қатысатын «кіші медицина қызметкерлерінің» рөлі дәрігерлер мен медбикелердің жұмысынан түспейтінін түсіну керек. Соңғы үш айда бұл әйелдерге сақтандыру және «зейнетақы жарнасы» аударылмаған, соның кесірінен олардың көпшілігі мемлекеттік тұрғын үй бағдарламасына қатыса алмаған.

Қызым І топ мүгедегі. Мен «Отбасы банкінде» баспана кезегінде тұрмын. Жақында «Шаңырақ» бағдарламасы бойынша конкурс болып, зейнетақы жарнам түспегендіктен, өтпей қалдым. Ал жалақымыз небәрі 100 мың, – дейді №2 облыстық аурухана қызметкері Айжан Сағындықова. 

«Жұмысымыз ауыр, науқастар таңға дейін түсіп жатады. Осы мәселені қозғағанымыз үшін бізге қысым жасалды. Бізге адал еңбегімізді төлесін. Осындай жұмысты өздерің таңдадыңдар деп, бізді жазғырып, кемсітеді. Ал біз адам емеспіз бе?» – дейді санитар Қарлығаш Сағындықова. 

Аурухана басшылығы ешқандай «қысым» болмағанын алға тартқанымен, төлемдердің кешіккенін мойындап отыр. Өйткені мекеменің әлдебір компанияға 90 миллион теңге қарызы бар екен.

Біз ешбір қызметкерімізді қудалап, қысым жасаған емеспіз. Барлық қызметкер бізде қаржылық қиындықтар бар екенін біледі. Бізге түсетін қаражат тек жалақыға ғана жетеді, өкінішке қарай  зейнетақы мен басқа да жарналарға жетпейді,  – дейді №2 облыстық аурухана директорының м.а. Надия Ералиева митингтен кейін өткен жиында.

Ал облыстық Денсаулық сақтау басқармасы басшысының орынбасары Қайсар Абдалиев арнайы комиссия құрылып, есеп-аудит жұмыстары жүргізіліп жатқанын айтты. Облыстық Денсаулық сақтау басқармасының өкілдері мен Надя Ерғалиева бұл мәселе жыл соңына дейін шешіледі деп уәде берді.

Айта кету керек, жұқпалы аурулар ауруханасына жыл сайын қазынадан 1 миллиард 100 миллион теңге бөлінеді. Бірақ бұл қаражат жеткіліксіз. Мекеме басшылығы мұндай жағдайдың алдын алу үшін бюджетті қайта қарап, оны 2 миллиард теңгеге жеткізу керегін айтады.

Серіктес жаңалықтары

Сараптама

Көкшетауда жұрттың есепшотынан жәрдемақы мен зейнетақылар ұрланып жатыр

Алаяқтардың арнайы есепшоттың құпия дерегін қайдан алғаны белгісіз
03.12.2022 | 10:38

Денсаулық сақтау министрлігі электронды темекі саудасына толық тыйым салмақ

Сарапшылар оған тосқауыл қоюдың басқа жолын табу қажет деп отыр
03.12.2022 | 09:50

Заманбек Нұрқаділовтің бұрын-сонды еш жерде жарияланбаған видеосы шықты

Бұл видео «Хабар» агенттігінің архивиінде сақталған
03.12.2022 | 07:34