×

«Шаруа қожалығында 10 жыл құлдықта болған»: полицейлер желіде көмек сұраған адамды тапты

Ер адам оның отбасы мүшелерінің құжаттарын жұмыс беруші заңсыз иемденгенін айтады

 Халық үні 24.11.2022 | 06:45
Фото: видеодан алынды

Жетісу полицейлері әлеуметтік желілерде көп жыл еңбек құлдығында болғанын мәлімдеген ер адамды іздеп тапты.

22 қарашада әлеуметтік желілерде ер адамның бейне хабарламасы шыққан. Ол соңғы 10 жыл ішінде Қаратал ауданындағы шаруа қожалық иесінің құлдығында болғанын мәлімдеді. Полицейлер видеоның авторы Үштөбе қаласының 44 жастағы тұрғынын іздеп тапты.

Ер адам оның отбасы мүшелерінің құжаттарын жұмыс беруші заңсыз иемденгенін айтады.

«Қазір ер адамның өтініші ресми түрде тіркелді. Оған қатысы бар барлық адамдардан түсініктеме алынды. Яғни, шаруа қожалығының иесі, оның қызметкерлері, сондай-ақ жәбірленушінің туыстары. Құжаттарды заңсыз алу фактісі бойынша тергеу амалдары басталды. Қылмыстық іс аясында  сондай-ақ өтініш берушінің  еңбекті пайдалануы туралы келтірген дәлелдері де тексерілуде. Ер адам және оның қызына көмек көрсетілуде. Тергеу барысында  ол Талдықорған өңірлік «Әйелдерді қолдау орталығы» қоғамдық бірлестігінің өкілдері ұсынған тұрғын үймен, киіммен және тамақпен қамтамасыз етілген. Іс бойынша барлық тергеу әрекеттері Облыстық полиция департаменті басшылығының ерекше бақылауына алынды», - деді  облыстық ПД бастығының орынбасары Елдар Әбдікенов.

Серіктес жаңалықтары

Сараптама

Көкшетауда жұрттың есепшотынан жәрдемақы мен зейнетақылар ұрланып жатыр

Алаяқтардың арнайы есепшоттың құпия дерегін қайдан алғаны белгісіз
03.12.2022 | 10:38

Денсаулық сақтау министрлігі электронды темекі саудасына толық тыйым салмақ

Сарапшылар оған тосқауыл қоюдың басқа жолын табу қажет деп отыр
03.12.2022 | 09:50

Заманбек Нұрқаділовтің бұрын-сонды еш жерде жарияланбаған видеосы шықты

Бұл видео «Хабар» агенттігінің архивиінде сақталған
03.12.2022 | 07:34