Қытайда ірі зауыттың өртенуі салдарынан 38 адам қаза тапты
Оқиға орнына 60-тан аса өрт сөндіру көлігі жеткен
фото: sibreal.org
Қытайда Аньян қаласындағы Kaixinda Trading зауытынан алапат өрт шығып, 38 адамның өмірін жалмады.
Өрт сөндірушілер тілсіз жаумен 5 сағаттай арпалысқан екен. Анықталғандай, соның салдарынан тағы 2 адам жараланған.
Соңғы деректерге сүйенсек, оқиға орнына 63 техника мен 240 өрт сөндіруші жеткен. Қазір от толық сөндірілді. Оқиғаның мән-жайы анықталып жатыр.
