Атырауда да алып сәби дүниеге келді
Ол – отбасындағы төртінші бала
Фото: pexels.com
Атырауда алып сәби дүниеге келді, деп хабарлады облыстық Денсаулық сақтау басқармасы.
Облыстық перинаталды орталықта салмағы 5 келі 700 грамм, бойы 64 сантиметр болатын сәби дүниеге келді. Бүгінде ана мен нәрестенің жағдайы жақсы. Әйел төртінші баласын кесір тілігі арқылы дүниеге әкелді, - деп жазылған хабарлада.
Бұл – биыл Атырау облысында дүниеге келген алғашқы алып сәби.
Еске сала кетсек, бұған дейін Астанада салмағы 5 келі 75 грамм болатын нәресте дүниеге келген болатын.
