Украинада Ресейдің кешегі жойқын шабуылынан кейін 10 миллион адам жарықсыз қалды. Бұл – электр қуатын тұтынатын халықтың 40 пайызы.

Энергетикалық жүйеге келген зақымнан жарық қазір кез келген уақытта өшіріліп жатыр. Ал РФ Қорғаныс министрлігі кешегі шабуылда Украинаның зымыран отыны мен радарлардың электронды қомпоненттерін жасайтын цехтарына соққы бергенін мәлімдеді.

Еске сала кетсек, Ресей қарулы күштері Украинаның энергетикалық инфрақұрылымына қазанның 10-нан бері үздіксіз соққы беріп келеді. Оған Қырым көпіріндегі жарылыс түрткі болған. Мәскеу сол шабуыл үшін әлі украин билігін айыптап отыр.