Алматы қаласының 44 жастағы тұрғыны 14-ші баласын дүниеге әкелді. Бұл туралы Қоғамдық денсаулық басқармасының баспасөз қызметінен хабарланды.

Көпбалалы ана сәбиін Алматы қалалық перинаталды орталықта босанды. Дәрігерлердің айтуынша, нәрестенің бойы 55 см, салмағы 4 келіден астам. Қазір ананың да, баланың да денсаулығы бірқалыпты екен.

Ұжым болып атсалысып, әйел он төртінші баласын аман-есен босанды. Салмағы 4 келіден асатын қыз бала дүниеге келді, – деді қалалық перинаталдық орталықтың бас дәрігерінің орынбасары Жәмиля Исаева.

Өмірге жеті ұл мен жеті қыз әкелген көпбалалы ана тұңғышы да әке болуға дайын жүргенін айтты.