Қаржылық мониторинг агенттігінің қызметкерлері Түркістан облысында заңсыз майнинг фактісін анықтады.

Шардараның ГЭС маңында орналасқан аумақта майнинг өндіруші ферма Қазақстан заңнамасын бұза отырып, аса ірі көлемде кірістер өндіріп отырған.

Құрал-жабдықтардың саны 2899 бірлік көлемінде анықталған. Жабдықтардың болжамды құны 1 млрд теңгеден асады

Криминалисттің қорытындысына сәйкес, 2021 жылдың наурыз-желтоқсан аралығындағы кезеңде алынған кірістер көлемі 450 млн теңгеден астам құраған.

Қазақстанда заңсыз жұмыс істейтін майнинг фермаларын анықтау және электр желілерінен ажырату бойынша мобильді топ жұмыс істеп жатыр.