Азия чемпионаты: Нұрқанат Райыс қарсыласын нокаутпен ұтты
Ол қырғыз спортшысын екі рет нокдаунға жіберді
фото: prosports.kz
Иорданияның Амман қаласында бокстан өтіп жатқан Азия чемпионатында Нұрқанат Райыс 75 келіге дейінгі салмақта қырғызстандық Сағын Сатыбалдыны екі рет нокдаунға жіберіп, жекпе-жекті мерзімінен бұрын жеңді.
Бірінші раундта төрешілердің бесеуі де Нұрқанаттың қимыл-қозғалысын, соққыларын бас бармақпен бағалады. Екінші раундта Н.Райыс қарсыласын екі рет нокдаунға жіберді. Бұдан кейін рефери жекпе-жекті тоқтатып, нокаутты тіркеді.
Осылайша, Н.Сайыс жартылай финалға шығып, ел қоржынын тағы бір медальмен толықтырды.
