Бокстан Азия чемпионаты: Сәкен Бибосынов ширек финалға шықты
Бұл - Қазақстан құрамасының осы жарыстағы екінші жеңісі
фото: olimpic.kz
Иордания бокстан өтіп жатқан 2022 жылғы Азия чемпионатында Сәкен Бибосынов (51 келі салмақта) Үндістан боксшысы Кумар Спаржамен рингте кездесті.
Алғашқы айналымда отандасымыз қарсыласын ұтты.
Бұл – Қазақстан командасының осы жарыстағы екінші жеңісі.
Айта кетсек, алдында Серік Теміржанов Түрікменстан боксшысын сан соқтырып, Азия чемпионатында ұлттық құрамаға алғашқы жеңісті сыйлаған болатын.
Ал Санатәлі Төлтаев 1/8 финалда өзбекстандықтан жеңіліп қалды. Осылайша, ол Қазақстан құрамасы сапында турнирде жеңілген алғашқы боксшы болды.
