×

Есірткі қылмысы көп тіркелетін өңірлер аталды

9 айда есірткі сатумен айналысқан 3 мыңнан аса адам ұсталған

 Дәурен Ерболат 31.10.2022 | 11:33
Фото: Sputnik

Биыл қаңтар-қыркүйекте Қазақстанда есірткі, психотропты немесе улы заттардың, прекурсорлардың заңсыз айналымымен байланысты 5,7 мың қылмыстық құқықбұзушылық тіркелді. Бұл – өткен жылмен салыстырғанда 8,7%-ға аз деп хабарлады Finprom.kz.

Барлық құқықбұзушылықтың үштен екісі есірткі сатумен байланысты емес: 3,8 мың оқиға, бір жылдағы көрсеткіш 12,8% азайған.

Сондай-ақ сатумен байланысты құқықбұзушылықтар (1,3 мың дерек, бір жылда 2% азайған) және өсіруге тыйым салынған құрамында есірткі заттары бар өсімдіктерді өсіру (283 дерек, 14,6% көбейген) жиі тіркелген.

Құқықбұзушылықтарды анықтау барысында тәртіп бұзушылардан 728 көлік, 19,1 мың қару, 297 экстремистік материал, 38 жалған құжат, сондай-ақ жалпы сомасы 1,1 млрд теңге болатын мүлік, ақша және материалдық құндылықтар тәркіленді.

Есірткі құралдарының, психотропты немесе улы заттардың, олардың аналогтары мен прекурсорлардың заңсыз айналымына байланысты құқықбұзушылықтар Астанада жиі тіркелді: жыл басынан бері 624 дерек. Бұл – былтырмен салыстырғанда 30% аз. Кейінгі тізімде Алматы (515 дерек, көрсеткіш 11,5% азайған) және Жамбыл облысы (503 дерек, 14,2% азайған) тұр.

Құқықбұзушылықтар саны Ақтөбе облысында айтарлықтай өскен (308 дерек, 33,3%-ға өскен), ең көп азаю елордада тіркелді.

Биыл 9 айда есірткі құралдарының, психотропты немесе улы заттардың, сол тектестердің және прекурсорлардың заңсыз айналымына қатысты қылмыстық құқықбұзушылықтар бойынша 3,2 мың адам ұсталды. Бұл өткен жылмен салыстырғанда 4,7%-ға аз. Оның ішінде 204 адам бұрын құқықбұзушылық жасаған. Құқықбұзушылардың 133-і әйелдер, 18-і кәмелетке толмағандар. Қылмыскерлердің басым бөлігі Қазақстан азаматтары, тағы 140-ы ТМД азаматтары. Оның ішінде Өзбекстанның 55, Ресейдің 48, Қырғызстанның 22, Тәжікстанның 4, Түркіменстанның 2 азаматы бар.

Ұсталған құқықбұзушылардың 73%-ы есірткіні сатпайтынын айтқан.

Есірткіні тұтынып, қылмыстық құқықбұзушылық жасағандар саны жыл басынан бері 28,8% азайған: 569 адам.

Серіктес жаңалықтары

Сараптама