Бүгін, 31 қазанда ауа райының бұзылуына байланысты 14 өңірде ескерту жарияланды деп хабарлады «Қазгидромет» РМК.

Түнде және таңертең Жетісу облысының таулы аудандарына тұман түседі. Оңтүстік-батыстан жел соғып, солтүстік-шығыста оның екпіні 15-20 м/с-ке жетеді.

Қызылорда облысында оңтүстіктен, оңтүстік-шығыстан жел соғады, күндіз өңірдің батысында, орталығында оның күші 15-20 м/с-ке жетеді.

Астанада көктайғақ болады. Түнде және таңертең Маңғыстау облысының батысында, орталығында тұман болады деген болжам бар. Оңтүстік-шығыстан соғатын жел солтүстік-батысқа ауысады, күндіз облыстың солтүстік-шығысында оның күші 15-20 м/с болады.

Батыс Қазақстан облысында оңтүстік-батыстан жел соғады. Түнде басым бөлігінде, күндіз облыстың шығысында, оңтүстік шығысында желдің жылдамдығы 15-20 м/с болады.

Түнде және таңертең Солтүстік Қазақстан облысының оңтүстік-шығысына тұман түседі. Оңтүстік-батыстан, оңтүстіктен жел соғады, күндіз облыстың батысында екпіні 15-20 м/с-ті құрайды.

Атырау облысының басым бөлігінде оңтүстік-батыстан жел соғады, екпіні 15-20 м/с-ке жетеді. Түнде Ақтөбе облысының солтүстік-шығысында көктайғақ, бұрқасын болуы ықтимал. Оңтүстіктен, онтүстік-батыстан жел соғып, облыстың солтүстігінде, батысында, орталығында желдің екпіні 15-20 м/с-ке жетеді.

Түнде Ақмола облысының батысында, оңтүстігінде, шығысында, күндіз облыстың шығысында, батысында көктайғақ болады. Түнде және таңертең облыстың солтүстігіне тұман түседі. Күндіз облыстың батысында желдің күші 15-20 м/с-ке барады.

Шығыс Қазақстан облысының солтүстігінде, шығысында тұман, көктайғақ болады деген болжам бар. Жел оңтүстік-шығыстан, оңтүстіктен соғады. Облыстың солтүстігінде, орталығында, шығысында оның екпіні 23 м/с-ке жетуі мүмкін.

Абай облысының солтүстігінде, батысында тұман, көктайғақ болады. Оңтүстік-шығыстан соғатын жел оңтүстік-батысқа ауысады. Облыстың солтүстігінде, батысында, орталығында күші 23 м/с-ке жетеді.

Қостанай облысының батысында, солтүстігінде, шығысында тұман, көктайғақ, жаяу бұрқасын болуы мүмкін. Оңтүстіктен жел соғады, түнде батысында, күндіз басым бөлігінде екпіні 15-20 м/с-ті құрайды.

Павлодар облысының оңтүстігінде, шығысында көктайғақ болады деп күтілуде.

Түнде және таңертең Жамбыл облысының таулы аудандарында тұман болады деген болжам бар. Оңтүстік-батыстан соғатын жел оңтүстік-шығыс желіне ауысады. Облыстың оңтүстік-батысында, солтүстік-шығысында, таулы аудандарында оның жылдамдығы 15-20 м/с болады.