Маңғыстауда үш баланың анасы бір айдан бері табылмай жатыр
27 жастағы Жәния Абдуллаеваның жоғалғаны туралы арызды ата-анасы жазған
фото: Lada.kz.
Бейнеуде бір ай бұрын жоғалып кеткен 3 баласы бар әйел табылмай жатыр.
Бұл туралы Маңғыстау облыстық полиция департаментінің баспасөз қызметі хабарлады.
«27 жастағы Жәния Абдуллаеваның жоғалғаны туралы арызды ата-анасы жазған. Оның үш баласы бар. Көрген-білгендер болса полицияға немесе 102 телефонына хабарласуын сұраймыз», - делінген хабарламада.
Жәния Абдуллаева 29 қыркүйек күні Бейнеу ауылындағы үйінен шығып кеткеннен оралмаған. Туыстары оны Ақтауға кетіп қалуы мүмкін деп топшылайды.
