Қазақстанда Ресейдің тәтті бәліш, торт және нан өнімдерін өндіретін «Хлебпром» кондитерлік зауытын салу жоспарланып отыр. Бұл кәсіпорын Ресейдегі және әлемдегі 100 алып кондитерлік компанияның құрамына кіреді.

Ол жылына 15 мың тонна өнім өндіреді. Кәсіпорын 11 мың шаршы метрге салынады. Құрылысты алдағы 3 жылда салу жоспарланып отыр.

Бұл кәсіпорын еліміздегі тұңғыш тәтті бәліштерді толық әрі көп көлемде өндіретін, автоматтандырылған зауыт болмақ. 2014 жылы осындай өндіріс зауыты Ресейдің Ногинск қаласында жоба ретінде салынған.

Зауыт 2025 жылы іске қосылады. Жаңа жобаға тартылатын инвестиция көлемі – 80 млн АҚШ доллары.