Өңірдің солтүстігінде көктайғақ, тұман болады
Бүгін Қостанайға қазанның қары жауды. Ауа райы болжамына сәйкес, осы аптада облыстың басым бөлігінде жауын-шашын болады.
Қостанайлықтар желіде алғашқы қардың суреті мен видеосын бөлісіп жатыр.
«Қазгидромет» РМК-ның болжамы бойынша, алдағы демалыс күндері облыстың орталық және батысында жауын-шашын болады деп күтіліп отыр. Ал солтүстігінде көктайғақ, тұман болады.
Қазір өңірде күн күрт суытып кеткен.
Еске сала кетсек, биылғы алғашқы қар бұған дейін Алматы облысында республикалық маңызы бар «Кеген-Нарынқол» автожолы аумағына түскен еді.