Мемлекеттік қызметкерлер 507 млн теңгесін құмар ойынға жұмсаған. Бұл туралы Алматы облысының прокуратурасы хабарлады.

Прокуратураның дерегінше, 305 мемлекеттік қызметкер құмар ойынның қармағына ілінген.

Мемлекеттік мекеме қызметкерлерінің құмар ойынға жұмсаған қаражаты:

• Ішкі істер министрлігі – 97 қызметкер;
• Қорғаныс министрлігі – 95 қызметкер;
• Қаржы министрлігі – 25 қызметкер;
• Жоғарғы сот – 7 қызметкер;
• Қаржы мониторингі агенттігі – 15 қызметкер;
• Сыбайлас жемқорлыққа қарсы іс-қимыл агенттігі – 3 қызметкер;
• Жергілікті атқарушы органдар – 36 қызметкер;
• Басқа мемлекеттік органдар – 27 қызметкер.

Облыстық прокуратура аталған фактілер бойынша тексеру жүргізіп, істі құзыретті органдарға шара қолдану үшін жолдағанын мәлімдеді.