Тегеранда саяси тұтқындар мен Үкіметке қарсы белсенділер ұсталған Ирандағы ең ірі Эвин түрмесінен алапат өрт шықты деп хабарлады Deutsche Welle басылымы.

Жергілікті тұрғындар 20 минут ішінде өрт орнынан кемінде 4 жарылыс дыбысын естіген.

Иран билігі өрттің тігін бөлімінде тұтқындар мен түрме қызметкерлері арасындағы кикілжің салдарынан шыққанын мәлімдеді. Сол кезде тұтқындар түрме киімдері бар қойманы өртеп жіберген.

Ал IRNA ақпарат агенттігінің хабарлауынша, өрт түрме басшылығының жедел әрекетінің арқасында сөндіріліп, тәртіпсіздіктер бақылауға алынған. Өрт салдарынан 8 адам зардап шеккен. Қаза тапқандар жоқ.