Кездесуде білім беру, жауынгерлік даярлықтағы ынтымақтастық мәселелерін талқылады
Бакуде Қазақстан Қарулы күштері мен Әзербайжан әскері Бас штаб бастықтарының кездесуі өтті.
Қорғаныс министрінің бірінші орынбасары – Қазақстан Республикасы Қарулы күштері Бас штабының бастығы генерал-лейтенант Марат Құсайынов Әзербайжанға жұмыс сапары барысында Қорғаныс министрінің бірінші орынбасары – Әзербайжан армиясы Бас штабының бастығы генерал-полковник Керим Велиевпен кездесті.
Кездесуде тараптар әскери білім беру, жауынгерлік даярлықтағы әскери ынтымақтастық, әскери құрылыс саласындағы тәжірибе алмасу мәселелерін талқылады.