Кикбоксинг: Қазақстан құрамасы 51 жүлде алды
Жастар мен кадеттер құрмет тұғырының биік сатысына көтерілді
фото: Мәдениет және спорт министрлігі Спортты дамыту дирекциясы
Кикбоксингтен Италияның Лидо-ди-Йезуло қаласында жастар мен кадеттер арасында өткен әлем чемпионатында отандастарымыз 9 алтын, 19 күміс пен 23 қола жүлдені жеңіп алды.
Бұл додаға әлемнің 63 елінен 750-ге жуық спортшы қатысты. Қазақстан құрамасынан 62 кикбоксшы (жастардан 41, кадеттен 21) күш сынасты. Жастар 5 алтын, 15 күміс, 13 қола медальді иеленсе, кадеттер 4 алтын, 4 күміс, 10 қола жүлдеге ие болды.
Бүгін түнде спортшыларымыз елге оралды.
Оларды Астананың халықаралық әуежайынан туыстары, достары мен Спортты дамыту дирекциясының қызметкерлері күтіп алды.
