Бүгін Өзбекстанның Ташкент қаласында дзюдодан кезекті әлем чемпионаты басталады. 

Ташкент татамиіне әлемнің 84 елінен 575 (311 ер, 264 әйел) спортшы бақ сынасады. Қазақстанның намысын 17 дзюдошы қорғайды.

Сондай-ақ, барлығы 160-тан астам БАҚ өкілдері ақпарат таратады. Оның ішінде 57-сі өзбекстандық, қалғаны шетелдік медиа.

Кеше жеребе тарту рәсімі өтіп, Қазақстан балуандарының алғашқы кезеңдегі қарсыластары анықталды.

Ерлер:

60 кг: Елдос Сметов – Хусейн Караматов (Әзербайжан);

Мағжан Шамшадин – Анжело Пантано (Италия)

66 кг: Ғұсман Қырғызбаев – Маттео Пирас (Италия)

73 кг: Данияр Шамшаев – Джек Ензука (АҚШ)

81 кг: Абылайхан Жұбаназар – Франк де Вит (Нидерланды)

90 кг: Дидар Хамза – Давид Кламмерт (Чехия)

100 кг: Нұрлыхан Шархан – Вон Джонхун (Оңтүстік Корея);

Ислам Бозбаев – Рафаэль Бузакарини (Бразилия)

+100 кг: Ерасыл Қажыбаев – Әлішер Юсупов (Өзбекстан)

Әйелдер:

48 кг: Абиба Әбужақынова – Аманда Лима (Бразилия)

52 кг: Гауһар Ермағамбетова – Фабианна Кочер (Швейцария)

57 кг: Севара Нышанбаева – Анджела Самарджич (Босния және Герцеговина)

63 кг: Эсмигүл Куюлова – Примо (Израиль) / Болд (Моңғолия) жұбының жеңімпазы;

Мөлдір Нарынова – Сэн Вермир (Нидерланды)

70 кг: Анастасия Маякова – Мария Портела (Бразилия)

78 кг: Аруна Жангелдина – Лю Шин (Тайвань)

+78 кг: Камила Берліқаш – Мэрит Кэмпс (Нидерланды)