Украинаның Қазақстандағы консулы Иван Алмашидің айтуынша, елшілік қандай төлқұжаты болмасын қырымдықтарға көмектесуге әрекеттенеді
Ресей арқылы Қырымнан Астанаға келген жүздеген адам Украинаның Қазақстандағы елшілігі алдына жиналды. Олардың дені үшінші өлкеге шығып кету үшін шетелдік төлқұжат алғысы келеді.
Азаттық тілшісімен сөйлескен адамдар (көбі қырым татарлары) мобилизацияға тап болып, соғысқа бармас үшін аннексияланған түбектен қашып кетуге мәжбүр болғанын жеткізген. Сұқбат бергендердің бірі Ресейді отаны деп есептемейтінін, ол оккупант өлке екенін айтты.
«Украина бізге төлқұжат береді деп үміттенеміз. Біз балаларымызбен келдік, отанымыздың есігінің алдында тұрмыз. Ресейді отаным деп есептемейміз, ол әлемге зиян келтіріп жатқан оккупант өлке», – деді қырымдық татарлардың бірі.
Украинаның Қазақстандағы консулы Иван Алмашидің айтуынша, елшілік қандай төлқұжаты болмасын қырымдықтарға көмектесуге әрекеттенеді.
«Біз бәрін тексеріп, құжат беруіміз керек», - деді консул.
21 қыркүйекте Ресей президенті Владимир Путин мобилизация жариялағаннан кейін өлкеден шығуға әрекеттеніп, басқа елдерге, негізінен Гурзия, Қазақстан, Қырғызстан, Өзбекстанға ағылғандар көбейді. Сарапшылар қорғаныс министрлігіне кең құқық берілгенін, соғысқа іс жүзінде кез-келген адамды алып кетуі мүмкін екенін айтып жатыр.
Abai.kz