Қазақстанда утилизация алымы бойынша мөлшерлеме ақпанның соңына дейін анықталады. Бұл туралы Экология, геология және табиғи ресурстар министрі Серікқали Брекешев мәлімдеді, деп хабарлайды Halyq Uni тілшісі.

Министрдің айтуынша, қазір кабель-өткізгіш өніміне кәдеге жарату алымын алуды 2023 жылғы 1 қаңтарға дейін тоқтата тұру жөнінде шешім қабылданды.

Индустрия және инфрақұрылымдық даму министрлігімен бірлесіп, мөлшерлемені қайта қарау бойынша жұмысты осы айдың соңына дейін аяқтаймыз, – деді Брекешев үкімет отырысында. 

Сонымен бірге ол кәдеге жарату алымын әкімшілендіру және тиісті қаражатқа иелік ету функциялары «Жасыл Даму»АҚ-ға берілгенін атап өтті. Бұл – мемлекеттің 100 пайыздық үлесі бар министрліктің ведомстволық ұйымы.

Бұған дейін утилизация алымы бойынша мөлшерлеме төмендейтінін хабарлаған болатынбыз.