Мемлекет басшысы «Қазақстан халқына» қорының акцияларына қатысуға асықпаған олигархтарды сынға алды, деп хабарлайды Нalyq uni тілшісі.

Олигополия құрамына кіретін және тіпті оның бейнесі саналатын бизнестегі кейбір танымал адамдар Президент бастаған қайырымдылық акциясына қатысуға асықпайды. Бұл не: ашкөздік, нигилизм, әдепсіздік немесе немқұрайлық па?, - деді Қасым-Жомарт Тоқаев.

«Қазақстан халқына» қайырымдылық қоры Мемлекет басшысының бастамасымен құрылған болатын. Бүгінде аталған қорға елдегі олигархтар мен қарапайым азаматтардан 42 млрд теңгеден астам қаражат түсті. 

«Қалай болғанда да, мемлекет бұл сұраққа толық жауап алу үшін барлық өкілеттікке ие. Өз тарапымнан ірі бизнестің қайырымдылық процесін реттейтін арнайы жарлық шығаруды жоспарлап отырмын», - деп ескертті Президент.