Биыл Қосшы қаласын дамытуға 11,5 млрд теңге бөлінді. Бұл туралы Ақмола облысының әкімі Ермек Маржықпаев айтты, деп хабарлайды Halyq Unі тілшісі.

Өңір басшысының айтуынша, 24 шілдеде Қосшы ауылына қала мәребесі берілгеніне тура 1 жыл болады.

Жалпы Қосшы серпінді дамып, халқының саны өсіп жатыр. Мысалы, 2010 жылы қалада 10 мың адам тұрса, қазір 50-60 мың адам тұрып жатыр. 2025 жылы 75-80 мың тұрады деген жоспар бар. Мемлекет шаһардың дамуына қомақты қаржы құюда. Соңғы жылдары шамамен 40 млрд теңге бөлінді. Мысалы, 2012 жылы – 2,5 млрд теңге, 2017-2018 жылдары – 6,5 млрд теңге, 2019-2020 жылдары – 7 млрд теңге, 2022 жылы 11,5 млрд теңге бөлінді, - деді облыс әкімі ОКҚ-да өткен баспасөз мәслихатында.

Ермек Маржықпаев қалада шешімін таппаған мәселелер барын, оны бір күнде шешу қиын екенін атап өтті.