Басты бет Халықтың ақшасы Павлодар балабақшаларында азық-түлік бағасымен байланысты заңбұзушылықтар анықталды

Павлодар балабақшаларында азық-түлік бағасымен байланысты заңбұзушылықтар анықталды

Қымбат Елтайқызы

Нәтижесінде 30 млн теңге үнемделді

фото: Halyq Uni

Қаржылық мониторинг агенттігі Павлодар облысының мектепке дейінгі мекемелерінде әлеуметтік маңызы бар азық-түлік тауарлары (ӘМӘТ) бағасын негізсіз қымбаттату фактілерінің жолын кесті, деп хабарлайды Halyq Uni.

Жүргізілген мониторинг барысында ЖШС-тің өңірдегі 158 мектепке дейінгі мекеменің 108-нің негізгі жеткізуші болғаны анықталды.

Мектепке дейінгі мекемелермен (балабақшалармен) жасалған шарттарда өндіруші зауытынан алған бағадан ӘМАТ-тың түпкілікті тұтынушысына дейінгі баға айырмашылығы:

  • күнбағыс майы – 286% үстемақымен (453 тг/л-ден 1300 тг/л дейін);
  • қарақұмық жармасы – 150% (240 тг/кг-нан 600 тг/кг дейін);
  • қант – 93% (325 тг/кг-нан 630 тг/кг дейін);
  • тауық жұмыртқасы-79% (430 тг/онд-тан 770 тг/онд дейін);
  • тұз-66% (60 тг/кг-нан 100 тг/кг дейін);
  • күріш – 36% (490 тг/кг-нан 670 тг/кг дейін);
  • сары май – 22% (2075 тг/кг-нан 2550 тг/кг дейін).

Агенттік қабылдаған шаралар нәтижесінде аталған ЖШС әкімшілік жауапкершілікке тартылды. Жеткізушімен жасалған шарттар күшін жойды. Қазіргі уақытта мектепке дейінгі мекемелерде ӘМАТ жеткізу шарттары қайта қаралып, жаңа келісім-шарттар жасасу мәселесі қаралып жатыр. Осылайша, үнемделген қаражат сомасы 30 млн теңгеден асты.

ӘМАТ тауарларына баға белгілеудің делдалдық схемаларын тергеу жөніндегі өңірлік комиссиялар шеңберінде Агенттік бюджеттік ұйымдарға жеткізілетін азық-түлік бағасына жүйелі түрде мониторинг жүргізіп отыр.