Қостанай облысы бойынша сауда және тұтынушылардың құқықтарын қорғау департаменті тұрақты түрде әлеуметтік желіге мониторинг жүргізеді. Масс-медиа мониторингінің нәтижелері бойынша әртүрлі бағаның қолданылуы туралы хабарлама табылды, деп хабарлайды Halyq Uni.

Облыстың ірі супермаркеттерінің бірі 1 қазанда 6 888 тг/кг бағамен «Чечил» ірімшігін сатқан, ал баға белгісінде тауар бағасы 4 440 тг/кг деп көрсетілген, – деді Сауда және интеграция министрлігі.

Департамент әкімшілік құқық бұзушылық туралы іс қозғады. Соның негізінде супермаркет ҚР ӘҚБтК-нің 193-бабының 4-бөлігі бойынша әкімшілік жауапкершілікке тартылды. Тауар бағасы сауда объектісінің ішкі, сыртқы витриналарына қойылған бағадан қымбат болғаны үшін 55 380 теңге сомасына айыппұл салынды.