Солтүстік Қазақстан облыстық соты құрылыс компаниясының құрылтайшысы мен басшысына қатысты салымшыларды алдау бойынша атышулы іс бойынша шығарылған үкімді өзгеріссіз қалдырды, деп хабарлайды Halyq Uni.

Сотталғандар Петропавл қаласында салынып жатқан көпқабатты үйді салу желеуімен үлескерлердің ақшасын иемденген. Іс жүзінде олар ақшаны құрылысқа қатысы жоқ қажеттіліктерге жұмсаған.

Мемлекеттік айыптау алаяқтардың облыс орталығының 48-ден астам тұрғынын алдап, 400 миллион теңгеден астам шығын келтірілгенін дәлелдеді. Қаскөйлер 6 жылға бас бостандығынан айырылды.

Апелляцияда соттың шешімі өзгеріссіз қалдырылды.