Алматыда қоғамдық көлік жолақысы 3 тамыздан бастап 20 теңгеге көтерілді, деп хабарлайды Halyq Uni.

Қалалық мәслихатпен келісілген және сарапшылармен белсенді талқыланған 120 теңгелік тариф бүгін күшіне енді, деп мәлімдеді жергілікті әкімдік.

Әкімдік қаулысына сәйкес, 3 тамыздан бастап жол ақысын қолма-қол ақшамен төлеу мүмкіндігі алынып тасталады. Бұл шара, ең алдымен, тасымалдау қауіпсіздігін қамтамасыз етуге байланысты. Өйткені автобус жүргізушісі ақша жинауға алаңдамай, тек көлік басқаруы керек, – деп толықтырды ведомство.

Мегаполистің мобильділік басқармасы бүгінде жолаушылардың 97%-дан астамы жол ақысын қолма-қол ақшасыз төлейтінін атап өтті. Қала тұрғындары мен қонақтарына қолма қол ақшасыз есеп айырысудың бірнеше әдісі қолжетімді:

• Onay филиалдарында және 115 клиенттерге қызмет көрсету орындарында сатып алуға болатын көлік картасы арқылы;
• ұялы телефонның SMS арқылы;
• мобильді қосымша арқылы (шетелдік қонақтарға ыңғайлы болу үшін интерфейсті ағылшын тілінде енгізу пысықталып жатыр).

Жол жүру ақысын елемеу фактілерін қысқарту мақсатында жолаушылардың қамтылуын тексеру, сондай-ақ жүргізуші құрамы тарапынан заңбұзушылықтарды тіркеу үшін бірыңғай бақылау қызметін құру туралы мәселе қаралады.

3 тамыздан бастап жол жүру билеттерінің келесі құны белгіленеді:

• айлық жол жүру билеті - 9 900 теңге;
• студенттік айлық жол жүру билеті - 4 200 теңге;
• мектеп айлық жол жүру билеті - 2 000 теңге;
• зейнетақы айлық жол жүру билеті - 3 000 теңге.

Азаматтардың келесі санаттарына тегін жол жүру ұсынылады: ҰОС қатысушылары, 75 жастан асқан зейнеткерлер, 1-ші, 2-ші топтағы мүгедектер, 18 жасқа дейінгі мүгедек балалар, саяси қуғын-сүргін құрбандары және басқа мемлекеттердің аумағындағы әскери қимылдардың ардагерлері. Азаматтардың 4 санаты үшін тарифтің 50%-ы түріндегі жеңілдік сақталады: студенттер, жасына байланысты зейнеткерлер, көпбалалы аналар, мүгедек балалармен бірге жүретін адамдар. Жаңа жоба аясында алдағы уақытта жергілікті тұрғындар мен қонақтарға қоғамдық көлік қызметтерін пайдалану ыңғайлылығы үшін, оның ішінде тегін ауысып отыру мүмкіндігімен түрлі жол жүру абонементі ұсынылмақ.

1 тамызда Астанада да жолақысы 90 теңгеден 110 теңгеге қымбаттаған болатын.