Қарағанды облысында алаяқ әйел 14 ауыл тұрғынының атынан несие рәсімдеп алған, деп хабарлайды ішкі істер министрлігі.

«7 ақпан күні Жаңаарқа ауданының полиция бөліміне 61 жастағы ауыл тұрғыны жүгінген. Белгісіз біреу оған банктердің бірінде 500 мың теңге көлемінде тауарлық несие рәсімдеген. Егер олар банктен қоңырау шалып, пайда болған қарызды жабуды сұрамаса, ол «сатып алу» туралы ешқашан білмеген еді. Жаңалыққа таң қалған тұрғынға менеджер 2021 жылғы қарашада несие алғанын түсіндірген. Аталған несиеден өсімпұл да өскен», – дейді ІІМ. 

Мамырдың ортасында ауданның криминалдық полиция қызметкерлері Жаңаарқа ауданының 28 жастағы тұрғынын анықтады. Жұмыссыз әйел өзіне табыс көзін тапқан. Оның құрбаны болған тағы 13 ауыл тұрғынына 15 млн теңгеге жуық несие рәсімдеген.