Павлодар облысының прокуратурасы «Павлодар-Водоканал» ЖШС қызметінде тұтынушылардың реттелетін қызметке қол жеткізуін шектейтін табиғи монополиялар саласындағы заңнаманы өрескел бұзушылықтарды анықтады, деп хабарлады Halyq Uni тілшісі.

Атап айтқанда, техникалық шарттар болған жағдайда монополист жаңадан қосылатын әлеуетті және қызметті пайдалануда кәсіпкерлерден (абоненттерден) құрылыс жобасын келісуді талап еткен. Олардан суды ағызып, сумен жабдықтау желілеріне қосқаны үшін 60 мың теңгеге дейін негізсіз төлем алынған.

Анықтама үшін мекемеде барлығы 137 мың абонент бар. Оның ішінде жеке тұлғалар – 133 мың, бюджеттік ұйымдар және басқа да шаруашылық жүргізуші субъектілер – шамамен 4 мың.

Қадағалау актісі бойынша ЖШС-ның заңсыз қызметінің жолы кесіліп, кәсіпкерлер үшін әкімшілік кедергі жойылды. Сумен жабдықтау желілеріне қосылу тәртібі қолданыстағы заңнамаға сәйкестендірілді.

Монополист ӘҚБтК-нің 164-бабы 4-бөлігі («Табиғи монополиялар туралы заңнамада белгіленген міндеттерді тиісінше орындамау») бойынша 6 млн теңге айыппұл төледі, – делінген прокуратура хабарламасында.